महाराष्ट्रात e-मोजणी 2.0 ची सुरुवात अवघ्या तासाभरात होईल जमिनीची मोजणी!

 

अवघ्या तासाभरात होतेय जमिनीची मोजणी, काय आहे 'इ मोजणी व्हर्जन २.०?

अवघ्या तासाभरात होईल जमिनीची मोजणी!महाराष्ट्रात ई-मोजणी 2.0 ची सुरुवात

महाराष्ट्रात जमीन वादांना राम राम करण्यासाठी राज्य सरकारने एक महत्त्वपूर्ण पाऊल उचलले आहे. आता अवघ्या तासाभरात जमिनीची मोजणी होणार आहे! यासाठी राज्य सरकारने 'ई-मोजणी 2.0' ही अद्ययावत संगणक प्रणाली संपूर्ण राज्यात लागू केली आहे.

काय आहे ई-मोजणी 2.0?

ही प्रणाली जमीनधारकांना अनेक सोयी देते. जसे की:

• ऑनलाइन अर्ज: जमीन मोजणीसाठी आता ऑनलाइन अर्ज करता येणार.
• ऑनलाइन शुल्क: मोजणी शुल्कही ऑनलाइन भरता येईल.
• एसएमएस अलर्ट: अर्जाची सद्यःस्थिती एसएमएसद्वारे समजेल.
• ऑनलाइन नकाशा: मोजणीचा नकाशा ऑनलाइन उपलब्ध होईल.
• अचूक माहिती: नकाशावर अक्षांश आणि रेखांशची माहिती असल्याने मोजणी अधिक अचूक होईल.

E mojni कसे होईल कामकाज?

या प्रणालीवरून दाखल होणाऱ्या मोजणी अर्जातील जमिनीची मोजणी जीपीएस आधारित रोव्हर्सवर करण्यात येईल. त्यामुळे मोजणी नकाशामध्ये प्रत्येक जमिनीच्या हद्दीच्या अक्षांश व रेखांश याची माहिती प्राप्त होईल. परिणामी जमीन मोजणी प्रकरणात मानवी चुकांमुळे हद्दीबाबत होणाऱ्या वादांना आळा बसू शकेल.

राज्यातल्या जमिनीच्या वादांना मिळेल तोडगा

या नवीन प्रणालीमुळे जमिनीच्या हद्दकायम, पोटहिस्सा, बिनशेती, कोर्ट वाटप, कोर्टकमिशन व विविध प्रकल्पाकरिता भूमी संपादन, आदींसाठी मोजणीचे काम वेगवान होईल. त्यामुळे जमिनीशी संबंधित अनेक वादांना तोडगा मिळण्यास मदत होईल.

शेतीपेक्षा भाऊबंदकीला अधिक महत्त्व

अनेकदा शेतीपेक्षा जमिनीच्या वाटपावरून भाऊबंदकी होतात. त्यामुळे अशी अनेक प्रकरणे न्यायालयात प्रलंबित असतात. ही प्रणाली या प्रकरणांना त्वरित निकाल देण्यास मदत करेल.

नंदुरबार आणि वाशिममध्ये यशस्वी प्रयोग

वर्षभरापूर्वी नंदुरबार आणि वाशिम जिल्ह्यात या प्रणालीचा प्रायोगिक वापर करण्यात आला होता. तो यशस्वी झाल्यामुळे ही प्रणाली आता संपूर्ण राज्यात लागू करण्यात आली आहे.

• तुमच्या जिल्ह्यात ही प्रणाली कशी लागू झाली आहे, याची माहिती मिळवण्यासाठी तुमच्या तहसील कार्यालयात संपर्क साधा.

#ईमोजणी2.0 #जमीनमोजणी #महाराष्ट्र #शेतकरी